निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमाैली । बिहीबार राति परेको भिषण वर्षाका कारण बुल्दीखोला बस्तीमा पस्दा तनहुँको व्यास नगरपालिका–४ तल्लो सिमलटारका ४० घर डुबानमा परेका छन् । शुक्रबार बिहान तीन बजे अचानक बुल्दीखोलामा आएको बाढीले खोला बस्तीमा पस्दा तल्लो सिमलटारका करिब ४० घर डुबानमा परेका हुन् ।
बुल्दीखोलाको बाढीले यहाँका घरहरुका तल्लो कोठा र सटरमा रहेका सामग्रीहरु बगाएको स्थानीय श्रीराम कार्कीले जानकारी दिए । रातिको समयमा आएको बाढीका कारण मानवीय क्षति नभएपनि आर्थिक नोक्सानी ठूलो भएको उनकाे भनाइ छ ।
उनले भने, “खोला पसेर घरको तल्लो कोठा र सटरमा रहेका सरसामान, फर्निचर लगायतमा ठूलो क्षति पुगेको छ । मानवीय जोखिम रहँदा रहँदा हारगुहार गरी ज्यान बचाउन सफल भइएको छ । बस्ती जोखिममा रहेकाले सुरक्षित गर्न तुरुन्तै उच्च तारबार बलियो बनाउनुपर्ने अवस्था आएको छ ।” कृष्णपुरको कजवे भत्काएर बेलिब्रिजको व्यवस्थापन गर्न र बस्ती सुरक्षित गर्न आवश्यक रहेको उनले बताए ।
