निष्पक्ष र विश्वसनीय खबरको सँगालो 
Khabar Punja
२३ भाद्र २०८१, सोमबार
दमौली । तनहुँ दमौलीकी करुणा राउतले मिस नेपाल इन्टरनेशनलको उपाधि जितेकी छन् । शनिबार सम्पन्न फाइनलमा राउतले मिस नेपाल इन्टरनेशनलको उपाधि जितेकी हुन् ।
२६ प्रतियोगीमध्ये टप ६ मा पर्न सफल उनले मिस नेपाल इन्टरनेशनलको उपाधि जित्न सफल भइन् ।
१५ वर्षको उमेरमै मोडलिङमा प्रवेश गरेकी उनी यसअघि मिस एसएलसी पोखरा-२०१४ की रनरअप समेत हुन् । सिड्नीबाट ब्याचलर्स अफ नर्सिङ अध्ययन गरेकी करुणाले सन् २०२० देखि नर्सिङ क्षेत्रमा सक्रिय रहँदै आएकी छन् । उनीसँग अस्ट्रेलियाको सांसदले सञ्चालन गर्ने ‘नेशनल लिडरसिप फोरम’मा सहभागी भएको अनुभव समेत छ ।उनले मिस वर्ल्ड अस्ट्रेलियाको फाइनलमा रकी गादरकोल शो मोडलको रूपमा र्याम्प वाक प्रदर्शन गरेकी थिइन् ।
