निष्पक्ष र विश्वसनीय खबरको सँगालो 
Khabar Punja
२३ भाद्र २०८१, सोमबार
दमाैली । साउनको तेस्रो सोमबार आज तनहुँको शुक्लागण्डकी नगरपालिका–२ गाछेपानीस्थित मुक्तिनाथ च्वयनधाममा भक्तजनको घुइँचो लागेको छ । च्वयनधाममा रहेको शिव मन्दिरमा पूजाआजाका लागि बिहानैदेखि घुइँचो लागेको हो ।
त्यसक्रममा भक्तजनले मन्दिरमा पूजाआजा गर्नुका साथै च्वयनधाममा रहेको शिवलिङ्गमा दूध तथा जल चढाएका छन् । साउनको प्रत्येक सोमबार च्वयनधाममा भक्तजनको बाक्लो उपस्थिति रहने गरेको धामका अध्यक्ष अर्जुन लम्सालले जानकारी दिए।
पृथ्वीराजमार्ग अन्तर्गत हलेदीबाट पाँच मिनेट दूरीमा अवस्थित यस ठाउँ पछिल्लो समय धार्मिक पर्यटकीय स्थलको रुपमा विकास भइरहेको छ ।
