निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमाैली । पृथ्वीराजमार्ग अन्तर्गत तनहुँको आँबुखैरेनी गाउँपालिका–२ ऐनापहरामा आज दिउँसो भएको बस दुर्घटनामा २९ जनाको उद्धार गरिएको छ । त्यसमध्ये १४ जना अचेत अवस्थामा छन् भने १५ जना होसमा रहेको जिल्ला प्रहरी कार्यालय तनहुँका प्रहरी नायब उपरिक्षक दीपक रायले जानकारी दिए। घाइतेहरुलाई उपचारका लागि अस्पताल पठाउने काम भइरहेको उनले बताए ।
पोखराबाट काठमाडौतर्फ जाँदै गरेको भारतीय नम्बर प्लेट युपी ५३ एफटी ७६२३ नम्बरको बस मस्र्याङ्दी नदीमा खसेको हो । अप्ठ्यारो भिर भएका कारण घाइतेलाई डोरी लगाएर माथि सडकसम्म तान्नुपर्ने अवस्था रहेको छ ।
घाइतेको उद्धारका लागि नेपाली सेना, नेपाल प्रहरी र सशस्त्र प्रहरी घटनास्थलमा लागिरहेको छ ।
