निष्पक्ष र विश्वसनीय खबरको सँगालो 
Khabar Punja
३० भाद्र २०८१, सोमबार
दमौली । तनहुँको ऑबुखैरेनी गाउँपालिका–२ स्थित ऐनापहराबाट मर्स्याङ्गदी नदीमा खसेको भारतीय यात्रुवाहक बसलाई शनिबार क्रेनको सहायताले नदिबाट १० मिटर बाहिर ल्याइएको छ । सशस्त्र प्रहरी बल नेपाल नं.२३ मनकामना गण भानु तनहुँ र बिपद ब्यबस्थापन तालिम शिक्षालय कुरिनटारबाट शनिबार सशस्त्र प्रहरी निरिक्षकको कमान्डमा गएको ५२ जनाको सुरक्षा फौजले बसलाई पानी बाहिर निकालेको हो ।
बस निकाल्नको लागि दमौलीबाट प्राईभेट क्रेन प्रयोग गरिएको थियो । पानीबाट बाहिर निकाले पनि अप्ठ्यारो जमिनका कारण सडक सम्म निकाल्न सकिएको छैन । आइतबार पनि बस निकाल्ने कार्य जारी रहने छ। शुक्रबार पोखराबाट काठमाडौँ आउँदै गरेको भारतीय यात्रुबाहक बस दुर्घटना हुँदा २७ जनाको मृत्यु र १६ जना घाइते भएका थिए । शनिबार भारतीय एयर फोर्सको जहाजले चितवनबाट शव लिएर स्वदेश फर्किएको छ । घाइतेहरुको त्रिभुवन विश्वविद्यालय शिक्षण अस्पतालमा उपचार भइरहेको छ ।
