निष्पक्ष र विश्वसनीय खबरको सँगालो 
Khabar Punja
२ पुष २०८१, बुधबार
दमौली । तनहुँको म्याग्दे गाउँपालिकामा कार्यरत कर्मचारी मृत अवस्थामा फेला परेकी छन् । कृषि शाखामा कार्यरत महिला कर्मचारी आफ्नै कोठामा मृत अवस्थामा फेला परेकी हुन्।
म्याग्दे गाउँपालिका-४ घुम्तीमा भाडामा बस्दै आएकी बारा जिल्ला निवासी उनी झुण्डिएको अवस्थामा फेला परेको प्रहरीले जनाएको छ । निजका परिवार आएपछि कोठा खोल्ने तयारी गरिएको छ ।घटनाबारे अनुसन्धान भइरहेको प्रहरीको भनाइ छ ।
कृषि शाखा प्रमुखले बिहीबार बिहान फोन गर्दा फोन नउठेको र झ्यालबाट हेर्दा झुण्डिएको अवस्था देखिएको थियो । म्याग्देका सूचना अधिकारी श्रीराम खनालले भने, ‘फोन गर्दा नउठेपछि घरबेटीले ढोका ढकढकाउँदा खोलिनन् । झ्यालबाट हेर्दा झुण्डिएको अवस्थामा देखिएपछि प्रहरीलाई खबर गर्यौ ।’
