निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमौली । नेपाल विद्यार्थी संघ तनहुँले अन्तर मावि तीज गीत प्रतियोगिता आयोजना गर्ने भएको छ । संघले नेपाल तरुण दल व्यास नगरको सहकार्यमा भदौ १९ गते दमौलीमा अन्तर मावि तीज गीत प्रतियोगिता गर्न लागेको हो ।
‘हाम्रो संस्कृति हाम्रो पहिचान’ शीर्षकमा तीज गीत प्रतियोगिता गरिने नेविसंघ तनहुँका कार्यवाहक अध्यक्ष आशिष कैनीले जानकारी दिए । उनका अनुसार प्रतियोगितामा जिल्लाभरका विद्यालयले सहभागिता जनाउन पाउनेछन् ।
प्रतियोगितामा प्रथम हुने विद्यालयलाई रु १० हजार ८१ र द्वितीय हुने विद्यालयलाई रु ५ हजार ८१ नगद पुरस्कार प्रदान गरिनेछ ।
प्रतियोगितामा सहभागी हुन कुनै शुल्क नलाग्ने, समूहमा कम्तिमा ७ र बढीमा १२ जना सहभागी हुन पाइने नियम बनाइएको छ ।
