निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमौली । शुक्लागण्डकी नगरपालिका-६ का अध्यक्ष बुद्धि बहादुर थापाले पञ्चमुनिदेव माविमा अक्षयकोष स्थापना गरेका छन् । विद्यालयको ५५ औं वार्षिकोत्सव एवं अभिभावक दिवसको अवसरमा सोमबार स्वास्थ्य तथा जनसंख्या मन्त्री प्रदिप पौडेलको उपस्थितिमा थापाले रु १ लाख ११ हजार १ सय ११ को चेक हस्तान्तरण गरेका हुन् ।
विद्यालय व्यवस्थापन समितिका अध्यक्ष सन्तोष श्रेष्ठलाई उनले सो रकम बराबरको चेक प्रदान गरे । उनले यसअघि खैरेनी मावि र कुमारी प्राविमा पनि सोही रकम बराबरको अक्षय कोष स्थापना गरेका छन् ।
वडा अध्यक्ष थापाले आफूलाई सरकारबाट प्राप्त हुने भत्तामा थप गरेर अक्षयकोष स्थापना गरेको बताए । उनका अनुसार अक्षयकोष अन्य विद्यालयहरुमा पनि स्थापना गर्दै जाने योजना छ । कोषको ब्याजबाट प्राप्त आम्दानी प्रत्येक वर्ष जेहेन्दार र गरिव विद्यार्थीलाई सहयोग गरिने छ ।
