निष्पक्ष र विश्वसनीय खबरको सँगालो 
Khabar Punja
२० फाल्गुन २०८१, बुधबार
दमौली । व्यास नगरपालिका-१४ छाब्दीदेखि व्यास नगरपालिका-१ भादगाउँसम्म दौड प्रतियोगिता हुने भएको छ । आदिकवि भानुभक्त क्याम्पसले सरस्वती पूजाको दिन पारेर सोमबार दौड गर्न लागेको हो।
छाब्दी बाराही मन्दिरबाट दौड सुरु गरि आदिकवि भानुभक्त क्याम्पसको प्राङ्गणमा आइपुग्नेगरी छात्र/छात्राको लागि खुल्ला मिनि म्याराथनको आयोजना गरिएको अतिरिक्त क्रियाकलाप संयोजक तिलबहादुर थापाले जानकारी दिए ।
दौडमा प्रथम हुनेलाई रु दश हजार, द्वितीय हुनेलाई रु आठ हजार र तृतीय हुनेलाई रु पॉच हजार नगद पुरस्कार प्रदान गरिनेछ । प्रतियोगितामा कक्षा १२ सम्म अध्ययनरत छात्रछात्रा सहभागी हुन पाउनेछन्।
