निष्पक्ष र विश्वसनीय खबरको सँगालो 
Khabar Punja
२१ फाल्गुन २०८१, बिहीबार
दमाैली । सरकारले संघीय संसदमा दर्ता गराएको सामाजिक सञ्जाल सञ्चालन, प्रयोग तथा नियमनसम्बन्धी विधेयकका केही प्रावधानप्रति नेपाल पत्रकार महासंघ तनहुँ शाखाले आपत्ति जनाएकाे छ ।
शाखाले शनिबार प्रेस विज्ञप्ती जारी गरी अगुवा नागरिक संस्था महासंघलगायतका सरोकारवाला पक्षसँग सामान्य परामर्श र छलफलसमेत नगरी सरकारले प्रेस तथा अभिव्यक्ति स्वतन्त्रतामा आघात पार्ने केही प्रावधान समावेश गरी विधेयक अगाडि बढाएकोमा असहमति र आपत्ति जनाएकाे हाे ।
शाखा सचिव कृष्ण न्याैपानेद्वारा जारी विज्ञप्तीमा प्रेस तथा अभिव्यक्ति स्वतन्त्रताको मूल्य मान्यता, हाम्रो संवैधानिक प्रावधान र प्रचलित अभ्याससँग तालमेल मिल्ने गरी प्रेस तथा अभिव्यक्ति स्वतन्त्रता कुण्ठित पार्ने प्रावधानहरू सच्याएरमात्र विधेयक अगाडि बढाउन महासंघ नेपाल सरकार र संघीय संसद्सँग आग्रह गरिएकाे छ ।
