निष्पक्ष र विश्वसनीय खबरको सँगालो 
Khabar Punja
२२ फाल्गुन २०८१, शुक्रबार
दमौली । पृथ्वीराजमार्ग अन्तर्गत तनहुँको व्यास नगरपालिका-१२ कल्चरभिलेज नजिक शनिबार सॉझ भएको ग्यास बुलेट दुर्घटनामा चालकको मृत्यु भएको छ ।
मुग्लिनबाट दमौलीतर्फ आउँदै गरेको भारतीय एचआर ५५क्यु४७११ नम्बरको ग्यास बुलेट दुर्घटना हुँदा चालकको मृत्यु भएको हो।
मृत्यु हुनेमा भारत विहार राज्य मिर्जापुर पठाही जिल्ला पूर्वी चम्पारण बस्ने ३६ वर्षीय भारतीय आधार कार्ड नं.७९४९४८२९७०१७ का श्रीकान्त कुमार रहेको जिल्ला प्रहरी कार्यालय तनहुँका प्रहरी नायब उपरिक्षक अशोक थापाले जानकारी दिए ।
ग्यास बुलेटले च्यापिएर गम्भीर घाइते उनलाई उद्धार गरी दमौली अस्पताल पठाइएकामा चिकित्सकले ८:२२ बजे मृत घोषणा गरेको प्रहरीले जनाएको छ ।
