निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमौली । शुक्लागण्डकी नगर उद्योग वाणिज्य संघको आयोजनामा फागुन ९ देखि २० गतेसम्म चौथो शुक्लागण्डकी महोत्सव हुने भएको छ ।
‘आर्थिक समाजिक खेलकुदको विकास, कृषि तथा पर्यटनको प्रवद्धन, शुक्लागण्डकी महोत्सव कला सीप र संस्कृतिको संरक्षण’ भन्ने नाराका साथ महोत्सव हुन लागेको हो ।
महोत्सवमा घरेलु, कृषि, व्यवसायिक, रेष्टुरेन्ट, सामाजिक संस्था लगायत कुल १ सय ५० स्टल रहने महोत्सवका मूल संयोजक एवं नगर उद्योग वाणिज्य संघका अध्यक्ष समुन्द्रराम श्रेष्ठले जानकारी दिए ।
महोत्सवमा राष्ट्रिय तथा स्थानिय ख्यातिप्राप्त कलाकारहरुको प्रस्तुती, लाईभ कन्सर्ट, बाल उद्यान, धार्मिक, सांस्कृतिक र ऐतिहासिक स्थलको पदयात्रालाई समावेश गरिएको उनले उल्लेख गरे ।
महोत्सवमा पालिकास्तरीय भलिबल प्रतियोगिता, रत्यौली प्रतियोगिता, कौरा नृत्यु, विद्यालयस्तरीय खुला नृत्य प्रतियोगिता समावेश गरिएको छ।
महोत्सव निर्देशक विमल प्रसाद रिमालका अनुसार बेलचौतारास्थित भानुभक्त बहुमुखी क्याम्पस परिसरमा महोत्सव सञ्चालन हुनेछ । महोत्सवमा १ सय ७५ स्टल रहने छन् । दुई लाख दर्शकले अवलोकन गर्ने महोत्सवमा करिब रु पॉच करोड बराबरको कारोवार हुने आयोजकको दावी छ ।
