निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमौली । स्थानीय तह वित्तीय सुशासन जोखिम मूल्याङ्कनमा नार्पा भूमि गाउँपालिका मनाङमै प्रथम भएको छ । संघीय मामिला तथा सामान्य प्रशासन मन्त्रालयले सार्वजनिक गरेको आर्थिक वर्ष २०८०/८१ को नतिजामा उक्त पालिका जिल्लामै प्रथम भएको हो ।
मूल्याङ्कनमा पालिकाले ७१ अंक प्राप्त गरेको छ । चामे गाउँपालिकाले ६८.५, नाशोङ गाउँपालिकाले ५०.५ र नेस्याङ गाउँपालिकाले ४४ अंक प्राप्त गरेको छ ।
अघिल्लो आर्थिक वर्षमा ५८ अंक प्राप्त गरेको नार्पा भूमिले २०८०/८१ ना नतिजा सुधार गरेको प्रमुख प्रशासकीय अधिकृत सुशील लम्सालले जानकारी दिए । उनले भने, ‘नतिजा सुधार गरेर जिल्ला प्रथम हुनुमा पालिकाले गरेको कामको नतिजा हो ।’
पालिकाले प्रकृयाको जोखिममा ८१.१३, नतिजाको जोखिममा ४६.१५, वित्तीय अनुशासनको जोखिममा ६४.७१ अंक प्राप्त गरेको छ ।
