निष्पक्ष र विश्वसनीय खबरको सँगालो 
Khabar Punja
२६ चैत्र २०८१, बिहीबार
दमौली । राष्ट्रिय स्वतन्त्र पार्टी व्यास नगर समितिले व्यास नगरपालिकाको सरसफाई केन्द्रको जग्गा प्रकृयासँग सम्बन्धित अडियो प्रकरणको छानबिनका लागि माग गरेको छ।
रास्वपा व्यास नगर सभापति चुडामणि दाहालले मंगलबार प्रेस विज्ञप्ती प्रकाशित गरी उक्त प्रकरण सम्बन्धित रहेर नगरपालिकाकै कर्मचारी संलग्न रहेको अडियो काण्डको छानबिनका लागि माग गरेका हुन् ।
विज्ञप्तीमा भनिएको छ, ‘फोहर व्यवस्थापन जस्तो संवेदनशील विषयको दीर्घकालीन समाधानका लागि जुनसुकै स्थानमा गरेतापनि स्थानीय वासिन्दाहरुको समेत सहमतिमा गर्नु पर्दछ भन्ने हाम्रो मान्यता रहेको छ । सो सम्बन्धमा कुनै समस्या भएको खण्डमा सर्वपक्षीय/सर्वदलीय पहलको आवश्यकता परेमा हाम्रो पार्टीको पूर्ण सहयोग रहने प्रतिवद्धता व्यक्त गर्दछु ।’
