Khabar Punja

दमौली, ८ चैत । लागुऔषध मुद्धामा तनहुँ कारागारमा रहेका दुई जनाले आजदेखि सुरु भएको माध्यमिक शिक्षा परीक्षा (एसइइ) कारागारबाटै दिएका छन् । नवलपुर बर्दघाट सुस्ता पूर्वको सुनवल नगरपालिका र तनहुँको आँबुखैरेनी गाउँपालिकाका दुई जनाले कारागारबाटै परीक्षा दिएका हुन् ।

नवलपुरका युवाले ग्रडवृद्धितर्फ तीन वटा विषयको परीक्षा दिएको र आँबुखैरेनीका युवाले नियमितर्फ निर्मल माध्यमिक (खुल्ला विद्यालय) बाट परीक्षा दिएको कारागार तनहुँका प्रमुख नारायण अधिकारीले जानकारी दिए । उनले भने, “दुवै जनाको परीक्षा केन्द्र व्यास नगरपालिका–३ स्थित महर्षि संस्कृत माध्यमिक विद्यालय तोकिएको छ । दुवै जनालाई कारागारबाटै परीक्षा दिने व्यवस्था मिलाएका छौ ।”