निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमौली, १८ चैत । तनहुँको आँबुखैरेनी गाउँपालिका–४ स्थित आँपचौर जङ्गलमा सोमबार साँझ ७ः२० बजेदेखि आगलागी भएको छ । मस्र्याङ्दी जलविद्युत आयोजना नजिक रहेको जङ्गलमा आगलागी भएपछि उ क्त आयोजनालाई अग्नि रेखा हाली सुरक्षित राखिएको इलाका प्रहरी कार्यालय आँबुखैरेनीले जानकारी दिएको छ ।
आगलागी नियन्त्रणका लागि इलाका प्रहरी कार्यालय आँबुखैरेनीका प्रहरी निरीक्षक टेकप्रसाद सुवेदीको नेतृत्वमा २० जना प्रहरी र जलविद्युत आयोजनामा खटिएका नेपाली सेनाका सुवेदार विद्याधर रानाभाटको नेतृत्वमा दश जनाको टोली खटिएको छ ।
स्थानीयवासी समेतको सहयोगमा आगलागी नियन्त्रणको प्रयास भइरहेको प्रहरी निरीक्षक सुवेदीले जानकारी दिए ।
