निष्पक्ष र विश्वसनीय खबरको सँगालो 
Khabar Punja
४ श्रावण २०८२, आईतवार
दमौली, १९ असार । गण्डकी प्रदेश अन्तर क्लवस्तरीय फुटबल प्रतियोगिताको उपाधि कास्कीको एलजी एसोसिएसनले जितेको छ । बिहीबार भएको फाइनल खेलमा दमौलीको हैरान्स क्लवलाई हराउँदै एलजीले उपाधि जितेको हो ।
निकै प्रतिस्पर्धात्मक फाइनल खेलमा अन्तिम मिनेटमा २ गोल भएपछि एलजीले उपाधि जितेको हो । एलजीका तर्फबाट निश्चल जिसी र अंकित गुरुङले एक/एक गोल गरेका थिए।
उपाधिसँगै एलजीले रु दुई लाख नगद पुरस्कार प्राप्त गरेको छ भने उपविजेता हैरान्सले नगद रु एक लाख प्राप्त गरेको छ।
प्रतियोगितामा गण्डकीका ७ जिल्लाका ७ क्लबको सहभागिता रहेको थियो ।
