Khabar Punja

एजेन्सी, १ भदौ । बार्सिलोनाले ला लिगा उपाधि रक्षामा विजयी सुरुवात गरेको छ। आइतबार भएको खेलमा बार्सिलोनाले घरेलु टिम मल्लोर्कालाई ३–० ले पराजित गर्दै विजयी सुरुवात गरेको हो ।

बार्सिलोनाको लागि खेलको ७ औँ मिनेटमा राफिन्हाले पहिलो गोल गरे भने २३औँ मिनेटमा फेरान टोरेसले अग्रता दोब्बर बनाए। ३३औँ मिनेटमा मोर्लानेस दोस्रो पहेँलो कार्ड खाँदै मैदान बाहिरिएपछि मल्लोर्का १० खेलाडीमा झर्यो ।

करिब ६० मिनेट नौ खेलाडीमा सीमित मल्लोर्काले दबाब झेले पनि अतिरिक्त समयको अन्तिम मिनेटमा लामिन यामालले तेस्रो गोल गर्दै बार्सिलोनाको सहज जित सुनिश्चित गरे।