निष्पक्ष र विश्वसनीय खबरको सँगालो 
Khabar Punja
८ पुष २०८२, बुधबार
दमाैली, २७ भदाै । नेपाल पत्रकार महासंघ तनहुँले जेनजी पुस्ताकाे आन्दाेलनका क्रममा जिल्लाका सञ्चारकर्मीमाथि धम्की र सञ्चारमाध्यममाथि भएकाे ताेडफाेडप्रति खेद व्यक्त गरेकाे छ । शाखाले शुक्रबार प्रेस विज्ञप्ती जारी गरी युवा पुस्ताले गरेको प्रदर्शनको क्रममा जिल्लास्थित सञ्चारकर्मीमाथि धम्की र सञ्चारगृहमाथि आक्रमणको घटनाप्रति शाखा निन्दा र भत्र्सना गरेका हाे ।
आन्दोलनका क्रममा घुसपैठ गरी सञ्चारसंस्था र सञ्चारकर्मीमाथि भएको धम्की र तोडफोडको घटनामा संलग्नलाई पहिचान गरी कानुनी कारवाहीका लागि प्रशासनसमक्ष माग गर्दै शाखाले राज्य र आन्दोलनमा संलग्न जो कसैलाई प्रेसमाथि निशाना नबनाउन र प्रेस तथा अभिव्यक्ति स्वतन्त्रता कुण्ठित हुन नदिन हार्दिक अपिल गरेकाे छ ।
भ्रष्टाचार नियन्त्रण, सुशासन लगायतका माग राखेर सडकमा उत्रिएका युवा पुस्ताको आन्दोलनका क्रममा दिवङ्ग भएका युवाहरुप्रति शाखाले हार्दिक श्रद्धाञ्जली व्यक्त गरेकाे छ । साथै आन्दोलनमा सहभागी धेरै व्यक्ति, पत्रकार र सुरक्षाकर्मी घाइते हुनुभएकामा शाखा घाइतेहरुको शीघ्र स्वास्थ्यलाभको कामना गरिएकाे छ ।
शाखाले नेपाल पत्रकार महासङ्घ तनहुँका पूर्व अध्यक्ष डम्बर अधिकारीमाथि गाली गलौज र हातपातको प्रयास, रेडियो ढोरबराहीको ग १३ प ५०७४ को स्कुटर, पत्रकार अशोक विकको ग १५ प ७४९७ को मोटरसाइकल, पत्रकार सुमन श्रेष्ठको ग १५ प ४५४ तोडफोड र रेडियो ढोरबराही, मादीसेती एफएम र भञ्ज्याङ दैनिक पत्रिकाको कार्यालयमा तोडफोड भएकाे जनाएकाे छ ।
