Khabar Punja

दमाैली, १६ असाेज । इलाका प्रहरी कार्यालय आँबुखैरेनीका प्रहरीहरुले कार्यालयमै दसैंको टीका ग्रहण गरेका छन् । इलाका प्रहरी कार्यालय आँबुखैरेनीका प्रहरी निरीक्षक टेकप्रसाद सुवेदीले कार्यालयमा कार्यरत सबै प्रहरी कर्मचारीलाई टीका लगाइदिएका हुन् ।

त्यसक्रममा कार्यालयको हिरासतमा रहेका थुनुवाहरुलाई समेत टीका र जमरा लगाइएको प्रहरी निरीक्षक सुवेदीले बताए । उनले भने, “प्रहरीहरु चौबिसै घण्टा शान्ति सुरक्षाका लागि खटिनुपर्ने हुन्छ, दसैंमा प्रहरी कर्मचारीहरुलाई कार्यालयमै टीका लगाइएको हो ।”