Khabar Punja

दमौली, ७ फागुन । उज्यालो नेपाल पार्टीका तर्फबाट तनहुँ–१ का उम्मेदवार मन्जिल रानाको पक्षमा बिहीबार विभिन्न स्थानमा व्यापक रूपमा चुनावी प्रचार–प्रसार गरिएको छ। प्रचार अभियानअन्तर्गत मतदाताबाट सकारात्मक प्रतिक्रिया प्राप्त भएको जनाइएकाे छ ।

पार्टीका कार्यकर्ता तथा समर्थकहरूले चार–पाँच समूह बनाएर भानु, आँबुखैरेनी, बन्दीपुर, व्यास र देवघाट क्षेत्रमा घरदैलो तथा भेटघाट कार्यक्रम सञ्चालन गरेका छन्। सो क्रममा उम्मेदवार रानाका विकास योजना र प्राथमिकताबारे मतदातालाई जानकारी गराइएको छ।

रानाले स्थानीय पूर्वाधार विकास, रोजगारी सिर्जना, शिक्षा तथा स्वास्थ्य क्षेत्रमा सुधारलाई मुख्य एजेण्डाका रूपमा अघि सारेका छन्। प्रचार अभियानका क्रममा मतदाताले परिवर्तन र नयाँ विकल्पको आवश्यकता औंल्याउँदै सकारात्मक साथ र समर्थन जनाएको जनाइएको छ।

उम्मेदवार रानाले आफूले प्रस्तुत गरेका योजनालाई कार्यान्वयनयोग्य र परिणाममुखी बनाउने प्रतिबद्धता व्यक्त गर्दै तनहुँ–१ को समग्र विकासका लागि मतदाताको साथ आवश्यक रहेको बताएका छन्।