निष्पक्ष र विश्वसनीय खबरको सँगालो 
Khabar Punja
२३ बैशाख २०८३, बिहीबार
पाेखरा, २१ वैशाख । कास्कीको पोखरामा सोमबार (वैशाख २१) सुकुम्वासीले प्रदर्शन गरेका छन् । पृथ्वीचोकस्थित बसपार्कको जग्गामा बसिरहेका सुकुम्वासीले नाराबाजीसहित प्रदर्शन गरेका हुन् ।
यही वैशाख ३ गते पोखरा महानगरपालिकाले सूचना जारी गर्दै अतिक्रमित जग्गा र त्यहाँ निर्मित संरचना ३५ दिनभित्र हटाउन ‘अल्टिमेटम’ दिएको थियो । त्यसको विरोधमा उनीहरूले प्रदर्शन गरेका हुन् ।
उनीहरूले जिल्ला प्रशासन कार्यालयअगाडि नाराबाजी गर्दै प्रमुख जिल्ला अधिकारी रुद्रादेवी शर्मालाई ज्ञापनपत्र समेत बुझाएका छन् । त्यसपछि नाराबाजीसहित उनीहरू नयाँबजारस्थित पोखरा महानगर कार्यालय पुगेका थिए ।
