निष्पक्ष र विश्वसनीय खबरको सँगालो 
Khabar Punja
६ जेष्ठ २०८३, बिहीबार
दमौली, ७ जेठ । तनहुँको आबुखैरेनी गाउँपालिका–३ का वडा सदस्य मनोजकुमार श्रेष्ठले प्रभावित क्षेत्रमा जगेडा पुरानो ट्रान्सफर्मर राखिएकोप्रति असन्तुष्टि जनाउँदै नेपाल विद्युत प्राधिकरण तनहुँ तनहुँ वितरण केन्द्रको ध्यानाकर्षण गराएका छन् ।
वडा सदस्य श्रेष्ठले हिजो भएको सहमतिअनुसार २४ घन्टा विद्युत सेवा उपलब्ध गराउने प्रतिबद्धता पूरा हुनुपर्ने बताउँदै प्रभावित क्षेत्रमा पुरानो जगेडा ट्रान्सफर्मर राखेर सेवा दिन खोजिएको स्वीकार्य नभएको उल्लेख गरेका छन् ।
उनले “२४ घन्टा बिजुली आउँछ भनेर सहमति गर्ने, तर प्रभावित क्षेत्रमा पुरानो ट्रान्सफर्मर राख्ने कुरा मान्य हुँदैन । यसले सेवामा समस्या ल्याइरहछ,” भन्दै असन्तुष्टि व्यक्त गरे ।
श्रेष्ठका अनुसार पछिल्लो समय १८ घन्टासम्म विद्युत अवरुद्ध हुँदा स्थानीय बासिन्दाले ठूलो सास्ती खेप्नुपरेको छ । त्यसैले प्रभावित क्षेत्रका नागरिकलाई नियमित र भरपर्दो विद्युत सेवा उपलब्ध गराउन नयाँ ट्रान्सफर्मर जडान गर्न उनले माग गरेका छन् ।
दमौलीबाट ३२ केभी लाइन व्यवस्थापन गरिएकोमा धन्यवाद दिँदै उनले अस्थायी व्यवस्थाभन्दा दीर्घकालीन समाधान आवश्यक रहेको बताए । “हामीलाई जुनसुकै हालतमा पनि २४ घन्टा विद्युत चाहिन्छ,” भन्दै उनले प्राधिकरणलाई समस्या समाधानमा गम्भीर हुन आग्रह गरे ।
