निष्पक्ष र विश्वसनीय खबरको सँगालो 
Khabar Punja
७ जेष्ठ २०८३, शुक्रबार
दमौली, ८ जेठ । तनहुँ निर्वाचन क्षेत्र नं. २ का प्रतिनिधिसभा सदस्य श्रीराम न्यौपानेले शुक्रबार जिल्लाका विभिन्न सरकारी कार्यालयहरूको अनुगमन गरेका छन् ।
सांसद न्यौपानेले तनहुँको सदरमुकाम दमौलीस्थित खानेपानी तथा सरसफाइ डिभिजन कार्यालय तथा भूमि प्रशासन कार्यालय (मालपोत) को अनुगमन गर्दै सेवाग्राहीलाई सहज, छिटो र प्रभावकारी सेवा प्रवाह गर्न कर्मचारीहरूलाई निर्देशन दिएका छन्।
अनुगमनका क्रममा उनले सरकारी कार्यालयहरू जनताको प्रत्यक्ष सरोकारसँग जोडिएको उल्लेख गर्दै सेवामा ढिलासुस्ती, अनावश्यक झन्झट तथा बेथिति अन्त्य गर्न आग्रह गरे । “जनताका कामलाई प्राथमिकतामा राखेर जिम्मेवार ढंगले सेवा दिनुपर्छ,” उनले भने।
सांसद न्यौपानेले सरकारले जारी गरेका नीति तथा निर्देशनको पूर्ण पालना गर्दै पारदर्शी र जनमैत्री सेवा प्रवाह गर्न कर्मचारीहरूलाई आग्रह गरेका छन् । साथै कार्यालयमा आउने सेवाग्राहीलाई सम्मानजनक व्यवहार गर्न र सुशासन कायम गर्न पनि उनले जोड दिए ।
कार्यालय प्रमुखहरूले कार्यालयको वर्तमान अवस्था, जनशक्ति अभाव, सेवा प्रवाहका चुनौती तथा भइरहेका कामबारे सांसद न्यौपानेलाई जानकारी गराएका थिए ।
