निष्पक्ष र विश्वसनीय खबरको सँगालो 
Khabar Punja
२३ जेष्ठ २०८३, आईतवार
दमौली, २४ जेठ । भानु नगरपालिकाले उपभोक्ता समितिबाट गराउनुपर्ने कार्य तेस्रो पक्षबाट गराएर ४१ लाख अनियमितत गरेको खुलेको छ ।
सार्वजनिक खरिद नियमावली २०६४ को नियम ९७ (९) अनुसार उपभोक्ता समितिहरुलाई मेशिन, औजार उपकरणहरुको आवश्यक नपर्ने, श्रममूलक कार्यको जिम्मेवारी दिनुपर्ने व्यवस्था रहेको छ । उपनियम १० मा उपभोक्ता समितिसँग सम्झौता भई तोकिएको कार्य उपभोक्ता समिति आफैले गर्नुपर्ने र कुनै निर्माण व्यवसायी सव कन्ट्रयाक्टरबाट गराउन नपाइने उल्लेख छ ।
पालिकाले उपभोक्ता समितिसँग सम्झौता गरी गराइएका कार्यहरु उपभोक्ता समिति आफैले नगरी निर्माण व्यवसायी मार्फत् गराउने गरेको खर्चका बिल भर्पाइहरुबाट देखिन आएको छ ।
