निष्पक्ष र विश्वसनीय खबरको सँगालो 
Khabar Punja
१३ आश्विन २०८३, बुधबार
तनहुँ, १४ असोज । नेपाली कांग्रेसको १५औँ महाधिवेशनअन्तर्गत तनहुँ क्षेत्र नम्बर १ को क्षेत्रीय सभापतिमा आनन्दराज त्रिपाठी विजयी भएका छन् ।
दुई ठूला गुटबाट प्रतिस्पर्धामा रहेका उम्मेदवारलाई पछि पार्दै त्रिपाठीले क्षेत्रीय सभापतिको बाजी मारेका हुन् । भानु नगरपालिकाका मेयरसमेत रहेका त्रिपाठीले ३८६ मत प्राप्त गरे । उनका निकटतम प्रतिस्पर्धी विश्वेश्वर खनालले ३६३ मत प्राप्त गर्दा अर्का उम्मेदवार सूर्यचन्द्र हड्खलेले २५६ मत पाए ।
त्रिपाठीले खनाललाई २३ मतको अन्तरले पराजित गरेका हुन् । क्षेत्र नम्बर १ मा कुल १ हजार ६८ मत खसेकोमा सबै मत गणना सम्पन्न भएको छ ।
त्रिपाठीको विजयलाई क्षेत्रीय अधिवेशनमा दुई ठूला समूहका उम्मेदवारबीचको प्रतिस्पर्धाका बीच आएको परिणामका रूपमा हेरिएको छ ।
यस्तै सचिवमा सराेज भण्डारी पाँच सय दुई सहित विजयी भएका छन् । प्रतिस्पर्धी तारानरेश पाैडेलले चार सय १० मत प्राप्त गरे ।
