निष्पक्ष र विश्वसनीय खबरको सँगालो 
Khabar Punja
२८ कार्तिक २०८३, शनिबार
तनहुँ, २७ कात्तिक । पृथ्वीराजमार्ग अन्तर्गत तनहुँको आँबुखैरेनी गाउँपालिका–२ मार्कीचोकमा बिहीबार राति स्कुटर दुर्घटना हुँदा एक जनाको मृत्यु भएको छ । दुर्घटनामा एक जना घाइते भएको जिल्ला प्रहरी कार्यालय तनहुँले जनाएको छ ।
म.प्र.०३–४८ प ६३७६ नम्बरको स्कुटर अनियन्त्रित भइ डिभाइडरमा ठक्कर खाँदा स्कुटरमा सवार आँबुखैरेनी गाउँपालिका–१ आँधीमूल बस्ने २४ वर्षीय अमन भुजेलको मृत्यु भएको हो । दुर्घटनामा स्कुटर चालक सोही ठाउँ बस्ने २७ वर्षीय विजय भुजेल घाइते भएका छन् ।
दुर्घटनामा घाइते दुवैलाई आँबुखैरेनी अस्पतालमा प्राथमिक उपचारपश्चात् चितवनस्थित चितवन मेडिकल कलेज पठाइएको थियो ।
