निष्पक्ष र विश्वसनीय खबरको सँगालो 
Khabar Punja
२४ कार्तिक २०८१, आईतवार
काठमाडौं : नेपाल कम्युनिस्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डलाई पार्टीले अनुशासनको कारबाही गरेको पत्र पहिल्यै निर्वाचन आयोगलाई जानकारी गराइएको दाबी गरिएको छ ।
प्रधानमन्त्री तथा नेकपा अध्यक्ष केपी शर्मा ओली समूहका एक केन्द्रीय सदस्यका अनुसार आयोगमा प्रचण्डलाई अनुशासनको कारबाही गरेको पत्र पहिल्यै पठाइसकिएको छ ।
आयोगका एक आयुक्तले पनि अनौपचारिक कुराकानीमा प्रचण्डलाई कारबाहीबारे ओलीले नै पहिले जानकारी पठाएको घुमाउरो पारामा बाह्रखरीसँगको कुराकानीमा बताउनुभयो ।
आइतबार बसेको प्रचण्ड र वरिष्ठ नेता माधव नेपाल पक्षको स्थायी कमिटीको बैठकले ओलीलाई अनुशासनको कारबाहीको सिफारिस केन्द्रीय कमिटीलाई गर्ने निर्णय गरेको थियो । सो निर्णयबारे हिजो (सोमबार) निर्वाचन आयोगलाई स्थायी कमिटी सदस्य लीलामणि पोख्रेलले जानकारी गराएका हुन् । ओलीलाई कारबाहीको जानकारी गराएको लिखित पत्र निर्वाचन आयोगमा ५३८ नम्बरमा दर्ता भएको छ ।
(स्रोत : बाह्रखरी डटकम)
