निष्पक्ष र विश्वसनीय खबरको सँगालो 
Khabar Punja
७ आश्विन २०८१, मंगलवार
तनहुँ : कोरोना सङ्क्रमण न्यूनीकरणका लागि गरिएको निषेधाज्ञाका कारण समस्यामा परेका तनहुँको म्याग्दे गाउँपालिका–५ छाङपाटनका दुई परिवारलाई विवेकशील साझा पार्टीले खाद्यान्न सहयोग गरेको छ । विवेकशील साझा पार्टी तनहुँ र व्यास नगर समितिले आर्थिक रुपमा विपन्न दुई परिवारलाई बुधबार खाद्यान्न सहयोग गरेको हो ।
स्थानीय एक व्यक्तिबाट उहाँहरुको अवस्थाका बारेमा जानकारी प्राप्त भएपछि चामल, आलु, प्याज, नून, तेल लगायतका खाद्यान्न सामग्री प्रदान गरिएको विवेकशील साझा पार्टी तनहुँका संयोजक सागर घिमिरेले जानकारी दिनुभयो । खाद्यान्न वितरणका लागि घिमिरे सहित व्यास नगर समितिका संयोजक सलमान अली, सदस्यहरु लक्ष्मी अधिकारी र मोहम्मद गफ्फार पुग्नुभएको थियो ।
दुवै परिवारका एक÷एक सदस्य अपाङ्ग छन् । एक जना अपाङ्ग बालकका बुबाआमा नरहेको र उनलाई सानिआमाले पालनपोषण गर्दै आएका छन् । अर्का एक व्यक्ति भने विगत दुई वर्षदेखि थला पर्नुभएको छ । “पार्टीकै साथीहरुबाट आर्थिक सङ्कलन गरेर खाद्यान्न वितरण गरेका हौ,” घिमिरेले भन्नुभयो ।
