निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दमौली : सदरमुकाम दमौलीमा रहेका बैङ्क तथा वित्तीय संस्थाका प्रतिनिधिहरुको संस्था बैङ्कर क्लव अफ दमौलीले व्यास नगरपालिकालाई दुई थान अक्सिजन कन्सनट्रेटर हस्तान्तरण गरेको छ। नगरपालिकाले सञ्चालन गरेको आइसोलेशनका लागि उक्त संस्थाले अक्सिजन कन्सनट्रेटर हस्तान्तरण गरेको हो ।
बैङ्कर क्लव अफ दमौलीका अध्यक्ष राजु रानाले बिहीबार नगरप्रमुख वैकुण्ठ न्यौपानेलाई अक्सिजन कन्सनट्रेटर हस्तान्तरण गर्नुभयो । कोभिड-१९ को विषम् परिस्थितिमा नगरवासीको जीवन रक्षाका लागि सामाजिक उत्तरदायित्व वहन गर्दै अक्सिजन कन्सनट्रेटर सहयोग गरेका रानाले बताउनुभयो। उहॉका अनुसार रु दुई लाख ५४ हजार बराबरको सामग्री नगरपालिकालाई हस्तान्तरण गरिएको छ।
नगरप्रमुख न्यौपानेले सङ्कटको घडीमा संस्थाले पुर्याएको सहयोगप्रति आभार व्यक्त गर्दै सामूहिक प्रयासबाट कोभिड नियन्त्रण सम्भव रहेको बताउनुभयो।
उक्त अवसरमा व्यासका उपप्रमुख मीरा जोशी, प्रमुख प्रशासकीय अधिकृत डिल्लीराम सिग्देल लगायत वडाध्यक्षको सहभागिता रहेको सूचना प्रविधि अधिकृत विशाल पण्डितले जानकारी दिनुभयो ।
