निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : तनहुँको ऑबुखैरेनी गाउँपालिकाले मूल्याङ्कनबाट नतिजा प्रकाशन गर्न सबै विद्यालयलाई परिपत्र गरेको छ । कोभिड-१९ का कारण यस वर्षको परीक्षा सञ्चालन हुन नसकेकाले गाउँपालिकाले आवधिक तथा आन्तरिक मूल्याङ्कनबाट नतिजा प्रकाशन सबै विद्यालयलाई परिपत्र गरेको हो।
प्रमुख प्रशासकीय अधिकृत विष्णुप्रसाद पोख्रेलका अनुसार आवधिक मूल्याङ्कनबाट ६० तथा आन्तरिक मूल्याङ्कनबाट ४० प्रतिशत अङ्क प्रदान गरिनेछ । बालविकासदेखि कक्षा ९ सम्म (८ बाहेक) को परीक्षाको नतिजा जेठ २८ गतेभित्र प्रकाशन गरी प्राप्ताङ्क गाउँपालिकामा पठाउन परिपत्र भएको पोख्रेलले जानकारी दिनुभयो ।
साथै गाउँपालिकाले असार १ गतेदेखि भर्ना अभियान सञ्चालन गरी वैकल्पिक माध्यमबाट कक्षा सञ्चालन गर्न अनुरोध गरेको छ ।
