निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दुलेगाैडा : तनहुँको शुक्लागण्डकीमा मुख्य कार्यालय रहेको डिजी लिंक नेटवर्क प्रालि ले इन्टरनेट सेवा प्रदायकको अनुमति प्राप्त गरेको छ। नेपाल दूरसञ्चार प्राधिकरणले साउन २२ गते डि जी लिंकलाई उक्त अनुमति प्रदान गरेको हो।
अनुमति प्राप्तसँगै डि जी लिंक नेटवर्क प्रालिले शीघ्र आफ्नो सेवा शुभारम्भ गर्ने जनाएको छ। “केही प्राविधिक तयारी बाँकी छन्, एक हप्ताभित्र सम्पूर्ण तयारी पूरा गरिने छ । हामी भाद्र दोश्रो सातादेखि सेवा प्रारम्भ गर्ने तयारीमा छौँ,” प्रालि का अध्यक्ष विपिन वाग्लेले भने ।
कास्कीकाे पोखरा महानगरपालिकाका केही स्थान, तनहुँको म्याग्दे गाउँपालिकाका केही स्थान, शुक्लागण्डकी नगरपालिका र भिमाद नगरपालिकाभरि नेटवर्क विस्तारको काम भइरहेको र अन्तिम चरणमा रहेको अपरेसन डिरेक्टर मदन केसीले बताए।
