निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दुलेगौँडा : फिरफिरेका युवालाई नेतृत्व विकास तथा उद्घोषण कला सम्बन्धी तीन दिने तालिम प्रदान गरिएको छ । शुक्लागण्डकी नगरपालिका वडा नम्बर १२ वडा कार्यालयको आयोजनामा तालिम दिईएको हो ।
युवालाई लक्षित गरी तालिम दिएको वडाध्यक्ष मनराज गुरुङले जानकारी दिए । उनका अनुसार अधिकांश युवायुवती पढाई र रोजगारका लागि गाउँ बाहिर रहेकाले दुलेगौँडामा तालिम प्रदान गरिएको छ ।
शुक्रबारदेखि आइतबारसम्म चलेको ३ दिने तालिममा १८ देखि २४ वर्ष उमेर समूहका २५ जनाको सहभागिता रहेको थियो । उनीहरुलाई गण्डकी प्रदेशसभा सदस्य आशा कोइराला,सम्पदा नेपालका अध्यक्ष एवम पर्यटनविद् हरिसिं गुरुङ, पत्रकार पवन पौडेल, माओवादी केन्द्रका युवा नेता खुमबहादुर विक (राजु) ले सहजीकरण गरेका थिए ।
