निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
दुलेगौँडा : शुक्लागण्डकी नगरपालिका–१० छब्दीमा पुरुष भलिबल प्रतियोगिता हुने भएको छ । छब्दी देउराली युथ क्लबको आयोजनामा १४ कात्तिकदेखी प्रतियोगिता हुन लागेको हो ।
कुसुन्डे खेल मैदानमा पहिलो पटक साविक गाउँ तथा वडास्तरिय पुरुष÷भेट्रान्स भलिबल प्रतियोगिता हुन लागेको हो । प्रतियोगिताको उपाधी विजेताले नगद ४० हजार रुपैयाँको साथमा शिल्ड, मेडल र प्रमाणपत्र प्राप्त गर्नेछन् । उपविजेताले २५ हजार रुपैयाँ र तेस्रोले १५ हजार रुपैयाँको साथमा शिल्ड मेडल र प्रमाणपत्र पाउने आयोजकले जानकारी दिएको छ ।
आयोजकका अनुसार वेस्ट स्पाईकर, डिफेन्डर, वेस्ट प्लयेर, अनुशासित खेलाडीलाई पनि सम्मान गरिनेछ । यस्तै, भेट्रान्सतर्फ विजेताले खसी र उपविजेताले बोका प्राप्त गर्नेछन् ।
भलिबल प्रतियोगितासँगै धार्मिक तथा पर्यटकीय स्थलको अवलोकन, स्थानीय आमा समुहबाट साँस्कृतिक कार्यक्रमको प्रस्तुती, राष्ट्रिय कलाकारको प्रस्तुती, छेलो हान्ने प्रतियोगिता, घैँटो फुटाई प्रतियोगिता, म्युजिकल चियर प्रतियोगिता हुनेछ ।
