निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
म्याग्दे : तनहुँको म्याग्दे गाउँपालिका-४ फलाम्दीबाट ११ जना जुवाडे पक्राउ परेका छन् । कौडा खेलिरहेको अवस्थामा प्रहरीले मंगलबार ११ जुवाडेलाई पक्राउ गरेको हो ।
खड्कबहादुर आलेकाे घरमा काैडा खेलिरहेका भरत आले, डिल बहादुर आले, लिला बहादुर थापा,
अनिल थापा, राज कुमार आले, ज्ञान बहादुर थापा, गजेन्द्र थापा, शंकर बहादुर थापा क्षेत्री,
रुप नारायण मल्ल र भिमसेन नारायण श्रेष्ठलाई पक्राउ गरिएकाे प्रहरी नायब उपरिक्षक युवराज तिमिल्सनाले जानकारी दिए ।
प्रहरीले १६ थान कौडा र ४५ हजार ३ सय २० नगद बरामद गरेको प्रहरीले जनाएकाे छ । पक्राउ परेकालाई मङ्गलबार नै जिल्ला प्रशासन कार्यालयबाट म्याद थप गरी थप अनुसन्धान भइरहेकाे जनाइएकाे छ ।
