निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
भिमाद । भिमाद खानेपानी तथा सरसफाई उपभोक्ता समितिको अध्यक्षमा ऋषिरम राना विजयी भएका छन् । बिहीबार सम्पन्न भएको मतगणना अनुसार पाँच सय ८४ मत प्राप्त गरी राना दोस्रो कार्यकालका लागि अध्यक्षमा विजयी भएका हुन् ।
प्रतिस्पर्धी मनोज खनालले तीन सय ४८ मत प्राप्त गरेका छन् । अध्यक्षमा विजयी राना नेकपा एमाले तनहुँका सदस्य हुन् ।
निर्वाचनमा नेकपा एमालेको एउटा समूहले काङ्ग्रेसँग सहकार्य गरेर मनोज खनाललाई समर्थन गरेको थियो ।
उपाध्यक्षमा मणिराज आले ४३८ मत प्राप्त गरी विजयी भएका छन् । प्रतिस्पर्धी ज्ञानबहादुर थापाले ४३४ मत प्राप्त गरे ।
सचिवमा टुकामणि सिग्देल ४९४ मत प्राप्त गरी विजयी भए । प्रतिस्पर्धी मननारायण श्रेष्ठले ३९७ मत प्राप्त गरे । कोषाध्यक्षमा कृष्णकुमार श्रेष्ठ ४६० मत प्राप्त गरी विजयी भए । प्रतिस्पर्धी केशवराज अर्यालले ३९४ मत प्राप्त गरे । सहसचिवमा भने संगीता राना निर्विरोध भएकी थिइन् ।
महिला सदस्यमा केशमाया थापा ६६३, माया लम्साल ६७०, विष्णुमाया श्रेष्ठ ६०२, सीतादेवी क्षेत्री महत ४७३, खुल्ला सदस्यमा जितेन्द्र श्रेष्ठ ४५६, जुनबहादुर श्रेष्ठ ४२७, महेन्द्रराज सुवेदी ५४० र सूर्यबहादुर विक ४८० मत प्राप्त गरी विजयी भए ।
