निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमाैली । व्यास नगरपालिकाले ५ देखि ११ वर्ष उमेरसम्मका बालबालिकाका लागि सञ्चालन गरेको फाइजर खोप अभियानको ९८.०९ प्रतिशत प्रगति भएको छ । नगरपालिकाले भदौ ७ गतेदेखि सञ्चालन गरेको अभियानका क्रममा दश हजार एक सय ५३ बालबालिकालाई खोप लगाइएको नगरपालिकाका स्वास्थ्य शाखा प्रमुख प्रमोद सोतीले जानकारी दिए ।
यसक्रममा पाँच हजार तीन सय ५७ छात्र र चार हजार सात सय ९६ छात्रालाई खोप लगाइएको छ । दश हजार तीन सय ५० बालबालिकालाई खोप लगाउने लक्ष्य थियो । अभियानका क्रममा एक हजार २९ भायल खर्च भएको सोतीले जानकारी दिए । “लक्ष्य बमोजिम नै खोप लगाउन सफल भएका छौ,” उनले भने ।
खोप अभियानका लागि प्रत्येक विद्यालयमा खोप केन्द्र सञ्चालन गरिएको थियो ।
सूचना: www.khabarpunja.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।
