निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । रोटर्याक्ट क्लव अफ वेदव्यासले तनहुँ कारागारमा महिला कैदीबन्दीका लागि पुस्तकालय स्थापना गरेको छ । कारागारमा रहेका महिला कैदीबन्दीलाई अध्ययनमा रुची बढाउन वेदव्यासले पुस्तकालय स्थापना गरेको हो ।
पुस्तकालयमा कानून, धर्म, उपन्यास, नाटक, कविता आदिसँग सम्बन्धित पुस्तकहरू रहेको क्लवकी अध्यक्ष सुष्मिता रेग्मीले बताइन् । ‘हाम्रो पहलले पक्कै पनि उनीहरूको ज्ञानको उत्थानमा फरक पर्नेछ,’ उनले भने ।
उक्त पुस्तकालयको महिला उद्यमी सङ्घ तनहुँकी अध्यक्ष निर्मला मल्लले उदघाटन गरिन् ।
