निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमौली । जिल्ला खेलकुद विकास समिति तनहुँको आयोजनामा फागुन १२ र १३ गते जिल्लास्तरीय राष्ट्रपति रनिङशिल्ड हुने भएको छ । जिल्लाका दशवटै पालिकामा पालिकास्तरीय रनिङशिल्ड सम्पन्न भएपछि अब जिल्लास्तरीय रनिङशिल्ड गर्न लागिएको हो ।
व्यास-१ भादगाउँस्थित निर्मल माविको खेलमैदानमा रनिङशिल्ड सञ्चालन गरिने समितिका अध्यक्ष अनिल पाण्डेले जानकारी दिए । व्यास-३ विपी वनवाटिका खेलमैदान सुधारको काम भइरहेकाले निर्मलमा रनिङशिल्ड सञ्चालन गर्न लागिएको हो ।
रनिङशिल्डमा भलिबल, कँराते, एथलेटिक्समा विद्यार्थीबीच प्रतिस्पर्धा गराइनेछ । जिल्लास्तरीय रनिङशिल्डमा उत्कृष्ट हुने विद्यार्थीले प्रदेशस्तरीय रनिङशिल्डमा भाग लिन पाउने अध्यक्ष पाण्डेले बताए ।
