निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
काठमाडौ ।नेपाल शैक्षिक परामर्श संघ (इक्यान) को उपाध्यक्षमा श्रीराम पौडेलले उम्मेदवारी दिने भएका छन्। असार ३० गते हुने संघको निर्वाचनमा पौडेलले उपाध्यक्ष पदमा उम्मेदवारी दिन लागेको हुन् ।
आगामी दिनमा अब्बल इक्यान बनाउन र सबैले गौरव गर्न सक्ने पेशागत छाता संस्था बनाउन योगदान गर्ने ध्येयले उम्मेदवारी घोषणा गरेको उनले बताए ।
उनले भने, ‘मेरो उम्मेदवारी मेरा लागि मात्र होइन, इक्यान र सबै शैक्षिक परामर्श व्यवसायीहरुको साझा हितका लागि हो ।
नेपालमा शैक्षिक परामर्श क्षेत्रको विकासका लागि यतिबेला अब्बल अगुवाहरुको खाँचो देखिएको भन्दै उनले व्यवसाय पनि जटिल संक्रमण र अत्यन्त विषम परिस्थितिबाट गुज्रिरहेको उल्लेख गरे ।
उनले थपे, ‘कामचलाउ मानिसहरुबाट हामीले आसन्न चुनौती झेल्न सकिन्न । यस क्षेत्रका समग्र समस्यालाई निकास दिन, हाम्रो सेवामुखी व्यवसायलाई थप अझ सुरक्षित तथा मर्यादित बनाउन सबल र चुस्त इक्यान टीम चाहिन्छ ।’
