निष्पक्ष र विश्वसनीय खबरको सँगालो 
Khabar Punja
५ माघ २०८१, आईतवार
एजेन्सी/बार्सिलोनाका कप्तान लिओनल मेसी स्पानिस ला लिगामा यस सिजन सर्वाधिक गोलकर्ता बनेका छन् । सिजनको अन्तिम खेलमा अलाभेज विरुद्ध ५-० को जित हात पार्दा २ गोल गरेका मेसीले यस सिजन कूल २५ गोल गरे ।
सातौं पटक सर्वाधिक गोलकर्ता बनेका मेसीले कीर्तिमानी सातौं पटक पीचीची अवार्ड पाउनेछन् । ला लिगाको सर्वाधिक गोलकर्तालाई यो अवार्ड दिने गरिन्छ । मेसीले यस सिजन घरेलु मैदानमा १९ र अवे मैदानमा ६ गोल गरे। लगातार चौथो पटक गोलकर्ता बनेका मेसीले टेल्मो जाराका कीर्तिमान तोडेका छन् । जाराले ६ पटक सर्वाधिक गोलकर्ताको अवार्ड जितेका थिए । यस सिजन सर्वाधिक गोलकर्ता बनेका मेसीले सर्वाधिक २१ असिस्ट समेत गरेका छन् । उनले एकै सिजन २० असिस्ट गर्ने बार्सिलोनाकै जाभीको कीर्तिमानसमेत तोडे ।
