निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दमाैली । पृथ्वीराजमार्ग अन्तर्गत तनहुँको व्यास नगरपालिका–१ बुल्दीपुलमा आज ट्याक्सी दुर्घटना हुँदा पैदलयात्री सहित छ जना घाइते भएका छन् ।
डुम्रेबाट दमौलीतर्फ आउँदै गरेको ग १ ज ३७३२ नम्बरको ट्याक्सी दुर्घटना दुई जना पैदलयात्री र चार जना ट्याक्सीमा सवार घाइते भएको जिल्ला प्रहरी कार्यालय तनहुँले जनाएको छ ।
ट्याक्सीको ठक्करबाट पैदलयात्री व्यास नगरपालिका–१ गल्वुवेशी बस्ने आठ वर्षीया नाहिशा गुरुङ र चार वर्षीया निहा गुरुङ घाइते भएको प्रहरी नायब उपरिक्षक मोहनबहादुर खाँणले जानकारी दिए ।
पैदलयात्रीलाई ठक्कर दिँदा उक्त ट्याक्सी अनियन्त्रित भई सडकबाट अन्दाजी दुई मिटर तल खसेको थियो । उक्त दुर्घटनामा ट्याक्सी चालक कास्कीको पोखरा महानगरपालिका–१० बस्ने ४० वर्षीय गौतम गुरुङ, ट्याक्सीमा सवार व्यास नगरपालिका–१ गल्वुवेशी बस्ने २८ वर्षीया सपना अधिकारी, पोखरा महानगरपालिका–१० बस्ने ५७ वर्षीया हेमकला राई र ६४ वर्षीय विष्णुकुमारी गुरुङ घाइते भएका छन् ।
घाइतेमध्ये दुई पैदलयात्रीको पोखरा गण्डकी मेडिकल कलेजमा उपचार भइरहेको छ । घाइते हेमकला र विष्णुकुमारीको मणिपाल शिक्षण अस्पतालमा उपचार भइरहेको छ । ट्याक्सी चालक गौतम र सपना अधिकारी डिस्चार्ज भएको प्रहरीले जनाएको छ ।
