निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली । राप्रपा नेपाल तनहुँका जिल्ला अध्यक्ष सहितका नेताहरुले पार्टी परित्याग गरेका छन् । पार्टीका जिल्ला अध्यक्ष विजयकुमार शाही, केन्द्रीय सदस्य कृष्णप्रसाद पौडेल र जिल्ला सचिव नारमयणप्रसाद खनालले पार्टी केन्द्रीय समितिलाई राजिनामा बुझाएका हुन् ।
अध्यक्ष कमल थापालाई सम्बोधन गरि लेखिएको पत्रमा ‘हामी राप्रपा नेपालको विधान अनुसार विभिन्न पदमा रही सेवा र राप्रपा नेपालको सिद्धान्त अंगिकार गरि पदीय हैसियत अनुसार काम काज गर्दै आएको र हाल पार्टीको गतिविधि फोृहोर फाल्ने डम्पिङ साईटमा परिणत भई बहिष्कृत र जनताको सबै जनाधार गुमाएका मानिसलाई पार्टीमा प्रवेश गराई पार्टीको भविष्यप्रति वेवास्ता गरिएको हुँदा आफ्नो भावनामा गम्भिर धक्का लागेको र स्वास्थ्य तथा घरासयी व्यस्तताले पार्टीको जिम्मेबारीमा रही काम गर्न असमर्थ भएकोले राजिनामा पेश गरेको’ जनाएका छन् ।
राप्रपा नेपालका अध्यक्ष कमल थापाले केही दिन अघि पुर्वमन्त्री दुर्गा श्रेष्ठलाई पार्टीमा भित्र्याएपछि तनहुँका नेताहरु असन्तुष्ट रहेका थिए । सोही कारण तनहुँका तिन जना नेताहरुले शुक्रबार सो पार्टीबाट राजिनामा दिएको बुझिएको छ ।
