निष्पक्ष र विश्वसनीय खबरको सँगालो 
Khabar Punja
२ आश्विन २०८१, बिहीबार
दमौली । नेवार संस्कार एवं संस्कृति प्रबर्द्धन र संरक्षण गर्ने उद्धेश्य सहित तनहुँको व्यास नगरपालिका-७ कलेस्तीमा बाजा, बासुरी र मादल बजाउने तालिम सप्पन्न भएको छ ।
नेवारी संस्कृतिको मौलिकता जगेर्ना गर्दै यसतर्फ युवाहरूको आकर्षण अभिवृद्धि गर्न नेवा खल कलेस्तीले १२ जना युवालाई कलेस्तीमै पहिलो पटक बाजा बजाउने सीप सिकाएको हो ।
तालिममा धिमे र टाकटुकेका लागि कुशल श्रेष्ठ र प्रज्वल श्रेष्ठले प्रशिक्षण दिएका थिए । बासुरी र मादल बजाउन ओमप्रकाश श्रेष्ठले सहजीकरण गरेका थिए ।
कुनै न कुनै जात्रा, उत्सव, चाडपर्व, मेला, गुठी, नाचगान आदि भइरहेका हुनाले संस्कृति प्रबर्द्धन र संरक्षणका लागि युवालाई संस्कृति हस्तान्तरण गर्न आवश्यक रहेकाले तालिम दिइएको नेवा खल कलेस्तीका अध्यक्ष सम्भुलाल प्रधानले जानकारी दिए ।
