Khabar Punja

दमौली । शुक्लागण्डकी नगरपालिका-२ गाछेपानीस्थित मुक्तिनाथ च्यवनधामले साउन २१ देखि २८ गतेसम्म आयोजना गरेको शिव महिमा बोलबम धार्मिक महोत्सवमा रु २५ लाख संकलन भएको छ ।

धार्मिक महोत्सवमा रु २५ लाख ७३ हजार नौ सय ५९ रुपैया दान संकलन भएको लेखा समिति संयोजक शिव गर्तौलाले जानकारी दिए । उक्त रकममा वागदान रु ५ लाख ७१ हजार ८५ रूपैयाँ रहेको छ । कार्यक्रम अवधिमा कुल १२ लाख २६ हजार ८१२ रूपैयाँ खर्च भएको जनाइएको छ ।

च्यवन धाम सबै धर्मावलम्बीको साझा आस्थाको केन्द्र विन्दु रहेको धार्मिक महोत्सवका मूल समारोह समितिका संयोजक नारायण कुमार श्रेष्ठले बताए ।

धाम समितिका अध्यक्ष होमनाथ लम्सालले सबैको सहयोगले धार्मिक महोत्सव सफल भएको बताए ।