निष्पक्ष र विश्वसनीय खबरको सँगालो 
Khabar Punja
१७ आश्विन २०८१, शुक्रबार
दमाैली । गत असाेज १२ गतेकाे वर्षापछि त्रिशुली नदीमा आएकाे बाढीले विद्युत खम्बामा क्षति पुगेर अवरुद्ध भएकाे देवघाटका विभिन्न ठाउँमा छ दिनपछि विद्युत सुचारु भएकाे छ ।
देवघाट गाउँपालिका-५ बगन्दीगाउँ र साेही वडाकाे बुद्धचाेकमा छ दिनपछि आज विद्युत सुचारु भएकाे हाे ।
नदीकाे बाढीले भरतपुर महानगरपालिका-२१ सत्रकिलाेमा देवघाटस्थित बगन्दी गाउँ जाने ११ केभीकाे लाइन बगाएकाे थियाे । त्यस्तै भरतपुर महानगरपालिका-२९ जुगेडीदेखि बुद्चाेक जाने ११ केभी लाइन नदीले बगाएकाे थियाे । दुवै ठाउँमा मर्मत पश्चात् विद्युत सुचारु भएकाे नेपाल विद्युत प्राधिकरण भरतपुर वितरण केन्द्रले जनाएकाे छ ।
गाउँपालिका, वडा कार्यालय, सशस्त्र प्रहरी शिक्षालय कुरिनटार र स्थानीयवासीकाे प्रयासबाट विद्युत सुचार भएकाे जनाइएकाे छ ।
