निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ । युके सहारा क्लव र हङकङबाट आएको एक टोलीले तनहुँको आँबुखैरेनी गाउँपालिका–२ आँधीमूलस्थित भुजेल गाउँमा आर्थिक सहयोग गरेको छ । पोखरा निवासी गुरुङ चलचित्र निर्देशक कृष्णकुमार गुरुङको समन्वयमा उक्त टोलीले भुजेल गाउँमा पुगेर रु ५० हजार आर्थिक सहयोग गरेको हो ।
युके सहारा क्लवका सल्लाहकार चन्द्र गुरुङको नेतृत्वमा उक्त टिमले बुधबार भुजेल गाउँमा पुगेर आर्थिक सहयोग हस्तान्तरण गरेको छ । आर्थिक रुपमा विपन्न र पछाडी पारिएका भुजेल समुदायलाई केही राहत होस् भनेर सहयोग गरिएको जिल्ला समन्वय समिति तनहुँका सदस्य गल गुरुङले जानकारी दिनुभयो ।
यसअगाडी युके सहारा क्लवका सल्लाहकार गुरुङले व्यक्तिगत रुपमा गत वर्ष रु ५० हजार बराबरको झुल र शैक्षिक सामग्री वितरण गर्नुभएको थियो । उक्त ठाउँमा करीब १ सय ६० घरधुरी भुजेलको बसोबास रहेको छ ।
