निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमौली । भानु नगरपालिका-१३ मा धेरै धान उत्पादन गर्ने कृषक सम्मानित भएका छन् । भानु नगरपालिकाकी कार्यपालिका सदस्य सकिना खातुनले स्वर्गीय पिता हाजि रफिक मियॉको स्मृतिमा धेरै धान उत्पादन गर्ने कृषकलाई सम्मान गरेकी हुन् ।
उक्त वडाका प्रत्येक टोलबाट १/१ जनाका दरले १० जनालाई बाकेपसलमा आयोजित एक कार्यक्रमका बीच सम्मानपत्रले सम्मान गरिएको छ।
कार्यक्रममा वडाध्यक्ष कृष्ण बहादुर अधिकारीले सम्मानले कृषकलाई धानखेतीमा प्रोत्साहित गर्ने बताए । कार्यपालिका सदस्य खातुनले कृषकलाई प्रत्यक्ष फाइदा पुग्ने खालका कार्यक्रम ल्याउन नगरपालिकामार्फत् पहल गर्ने बताइन् ।
