निष्पक्ष र विश्वसनीय खबरको सँगालो 
Khabar Punja
२ पुष २०८१, बुधबार
दमौली। ऑबुखैरेनी-१ समस्तीपुरस्थित चन्द्रोदय माविले मंगलबार ५० औ वार्षिकोत्सव एवं स्वर्ण जयन्ती मनाएको छ ।
विद्यालय व्यवस्थापन समितिका अध्यक्ष ओमाया गुरुङको अध्यक्षतामा सम्पन्न कार्यक्रममा गाउँपालिका अध्यक्ष शुक्र चुमानले पालिकाले शिक्षा क्षेत्रमा गरेको लगानीको प्रतिफल आउनुपर्ने बताए ।
सो अवसरमा चुमानले स्वर्ण स्तम्भको अनावरण र स्मारिका विमोचन गरेका थिए । सोही अवसरमा विद्यालयलाई जग्गा दान गर्ने व्यक्तिहरू, संस्थापक अध्यक्ष, प्रधानाध्यापक, संस्थापक अभिभावक, र विभिन्न कालखण्डमा सहयोग पुर्याउने संस्थाहरू, समाजसेवी र पूर्व विद्यार्थीहरूलाई सम्मान गरिएको थियो।
स्वर्ण उत्सवको अवसरमा पूर्व विद्यार्थी स्मृति अक्षकोष स्थापनाका लागि स्वदेश र विदेशका विभिन्न पूर्व विद्यार्थी, शिक्षक, समितिका पदाधिकारी र समाजसेवीहरूले १० लाख भन्दा बढी रकम संकलन गरेका छन्। यो रकमबाट कार्यक्रमको खर्च कटाएर बाँकी रकम अक्षकोषमा लगानी गरिने छ।
