Khabar Punja

पाेखरा । पोखरा स्वास्थ्य विज्ञान प्रतिष्ठानमा उपचाररत एक कोरोना सङ्क्रमितको शनिबार राति मृत्यु भएको छ । मृत्यु हुनेमा पोखरा महानगरपालिका–१९ निवासी ६२ वर्षीय पुरुष रहेको प्रतिष्ठानले जनाएको छ ।

साउन १७ गते कोरोना पुष्टि भएर उक्त केन्द्रको आइसियुमा उपचारत ती वृद्धको मृत्यु भएको प्रतिष्ठानका निर्देशक सह प्रा.डा. अर्जुन आचार्यले जानकारी दिनुभयो । ती वृद्ध सुगरका बिरामी थिए । कोभिड–१९ पोजिटिभ भई उपचारको क्रममा प्रतिष्ठानमा मृत्यु हुने निज तेस्रो सङ्क्रमित हुन् ।